Nyu Meksiko Universitetinin alimləri qanda pis xolesterinin səviyyəsini azaltmaq üçün innovativ vaksin hazırlayıblar.
Aztibb.az “EcoPravda” portalına istinadən xəbər veri ki, yeni dərman qaraciyər tərəfindən istehsal olunan bir molekul olan PCSK9 proteinini hədəf alır. Qan dövranında dolaşır və LDL xolesterol metabolizmasını mənfi tənzimləyir.
LDL və ya aşağı sıxlıqlı lipoprotein xolesterolu qaraciyərdən hüceyrələrə daşıyan zülal və lipidlər kompleksidir. LDL “pis xolesterol" adlanır, çünki belə molekullar böyükdür, onlar qan damarlarının içərisindəki mikro çatlara, divarlara yapışır və aterosklerotik lövhələr əmələ gətirir.
Alimlər izah ediblər ki, bədəndəki PCSK9 səviyyələri LDL xolesterol ilə birbaşa əlaqəlidir. Yeni peyvənd yoluxucu olmayan viral hissəciklərin istifadəsinə əsaslanır. Bu maddənin molekulları zülallardan ibarət virusun qabığıdır. Kiçik PCSK9 hissəciklərindən ibarət bu təsirli konteyner viruslar kimi insan orqanizminə daxil olur və immunitet sisteminin güclü immun reaksiyası yaratmasına səbəb olur.
Peyvənd siçanlar və meymunlar üzərində aparılan təcrübələrdə öz effektivliyini göstərib.