Rusiya Federasiyasının Səhiyyə Nazirliyi profilaktik tibbi müayinələr zamanı qızların mama-ginekoloq tərəfindən ilk müayinə yaşının azaldılmasını və onların 14 yaşından deyil, 13 yaşından keçirilməsini təklif edib.

Aztibb.az“RİA Novosti”yə istinadən xəbər verir ki, nazirliyin müvafiq əmrinin layihəsi normativ hüquqi aktların layihələri portalında dərc olunub.

Qeyd edilib ki, ilk müayinə yaşının dəyişdirilməsi “yetkinlik dövründə reproduktiv sağlamlıq xəstəliklərinin daha erkən aşkarlanmasına” imkan yaradacaq.

Təklif olunan dəyişiklik yeniyetmələrin sağlamlığı, o cümlədən reproduktiv sağlamlıq üçün fundamental əhəmiyyət kəsb edir.