COVID yeni ştamlar istehsal etməyə davam edir. Növbəti nəsil Hindistanda sürətlə yayılan JN.1-dir. Bir neçə gün ərzində orada yüzdən çox xəstə müəyyən edilib.

Aztibb.az “Arqumentı i faktı” nəşrinə istinadən xəbər verir ki, COVID yeni ştamları yüksək yoluxucu olsa da, adətən yüngül xəstəliklərə səbəb olur. Əksəriyyət evdə müalicə olunmağa üstünlük verir. Hindistan səlahiyyətliləri artıq əhalini koronavirus səbəbiylə panikaya düşməməyə çağırıb. Oxşar ştam ABŞ, Sinqapur və digər ölkələrdə də aşkar edilib.

"Ştamlar fərqli olsa da COVID eynidir. Həddən çox zəiflik, insanlar həftələrlə uzanır və ayağa qalxa bilmirlər. Bütün bunların qarşısını antikoaqulyantlardan istifadə etməklə asanlıqla almaq olar. Əgər antikoaqulyantları vaxtında qəbul etməyə başlasanız, o zaman iki həftə ciddi xəstəlik olmayacaq”, - deyə professor Pavel Vorobyov açıqlamasında bildirib.

Həkim izah edib ki, infarkt və insult hər hansı bir tənəffüs yolu infeksiyası nəticəsində yarana bilər. Buna görə də, antikoaqulyantlar yaşlı insanlarda bütün tənəffüs yoluxucu xəstəliklər üçün göstərilir, çünki bu, COVID ilə əlaqəli spesifik bir müalicə deyil, daha çox müxtəlif infeksiyalarla inkişaf edən trombovaskulit şəklində fəsadların aradan qaldırılmasıdır.

İndi COVID diaqnozu üçün sürətli testlər var. Vəziyyətin simptomlar əsasında uzaqdan qiymətləndirilməsi (simptom yoxlayıcısı) da mövcuddur ki, bu da diaqnozun çox yüksək ehtimalını verir. Siz onlardan istifadə edə bilərsiniz. Ancaq yalnız testlərə etibar etməməlisiniz.

Nəzərə almaq lazımdır ki, hazırda qrip olmayan viruslar da üstünlük təşkil edir.