Qış ayları ilə sinüzitdən (haymorit) əziyyət çəkənlərin sayı artır. Burun tıxanıqlığı və axıntı, üzdə ağrı və dolğunluq hissi ilə müşayiət olunan sinüzit həyat keyfiyyətini ciddi şəkildə aşağı salır.

Aztibb.az “CNN Turk”ə istinadən xəbər verir ki, eksperlərin bildirdiyinə görə, hər yaşda görülən bu xəstəliyə yol açan bir çox səbəb var.

Bəs bu qədər tez-tez rast gəlinən sinüzitin əlamətləri hansılardır? Hansı müalicə prosesi aparılır? Qorunmaq mümkündürmü?

Professor Dr. İbrahim Sayın bununla bağlı maraqlı məqamları danışıb:

“Sinüzit tək bir xəstəlik növü kimi ağla gəlsə də, tibbi vəziyyət fərqlidir. Xroniki sinüzitlə yanaşı kəskin sinüzit də var. İnsanlarda dörd cüt sinus var. Onların bəzi rolları və vəzifələri var. Nəfəs aldığımız havanı qızdırmaq, nəmləndirmək, süzülmüş havanı ağciyərlərə ötürmək sinusların funksiyalarındandır."

Sinuslarda bir növ epitel təbəqəsi var. Sinusların içini əhatə edən təbəqə alınan havada yad hissəcikləri, virusları və mikroorqanizmləri tutur. Sonra onları zərərsizləşdirirlər və ümumiyyətlə burun keçidlərinə doğru köçürürlər. Problem məhz buradan başlayır.

Həkim qeyd edib ki, burun və sinuslarda da iltihab meydana gəlir. Biz buna sinüzit deyirik. Bu, müəyyən bir günü keçdikdə, içəridə yığılan mayeyə bakteriyalar əlavə edilərək bakterial sinüzit əmələ gətirir.

Ən çox görülən simptomlar:

-Burun tıxanıqlığı
-Sarı, yaşıl rəngli və ya qanlı burun axıntısı
-Göz ətrafında və yanaqlarda ağrı
-Başda təzyiq hissi
-Qabağa əyilməklə artan üz ağrısı
-Pis ağız qoxusu