Bədənimiz zərərsiz bakteriyalarla doludur. Bu bakteriyaların əksəriyyəti sağlamlığınıza müsbət təsir göstərir və bədənin təbii proseslərinə kömək edir.
Aztibb.az xəbər verir ki, “Spero Hospital”ın mütəxəssislərinin bildidiyinə görə, bu bakteriyaların balansı pozulduqda disbakterioza yol aça bilər.
Mədə narahatlığı kimi disbakteriozun bəzi təsirləri müvəqqəti və mülayimdir. Ancaq simptomlarınız daha ciddi olarsa, diaqnoz üçün həkiminizə müraciət etməlisiniz.
Ümumi simptomlara aşağıdakılar daxildir:
- ağız qoxusu (halitoz)
- qarın ağrısı
- ürək bulanması
- qəbizlik
- ishal
- sidiyə getməkdə çətinlik
- vajinal və ya rektal qaşınma
- şişkinlik
- sinə ağrısı
- döküntü və ya qızartı
- yorğunluq
- düşünmək və ya konsentrasiya olmaqda çətinlik çəkmə
- narahatlıq
- depressiya
Mədə-bağırsaqda disbakterioz yaradan səbəblər:
- zülal, şəkər və ya qida qatqısı qəbulunu artıran pəhriz dəyişikliyi;
- yuyulmamış meyvələrdə qalan pestisidlər (böcək dərmanı) kimi ---- təsadüfən kimyəvi maddələri qəbul etmək;
- gündə iki və ya daha çox alkoqollu içki içmək;
- bağırsaq floranıza təsir edən antibiotiklər kimi yeni dərmanlar;
- bakteriyaların ağızda böyüməsinə imkan verən pis diş gigiyenası;
- immunitet sisteminizi zəiflədə biləcək yüksək dərəcədə stress və ya narahatlıq;
- zərərli bakteriyalara məruz qala biləcəyiniz qorunmayan cinsi əlaqə;
İnsanda disbakterioz aşkar olunduqda, ilk öncə bu problemi yaradan səbəbi araşdırıb, aradan qaldırmaq lazımdır, yanaşı olaraq bağırsaq florasının fəaliyyətini və miqdarını normallaşdırmaq üçün preparatlar təyin etmək vacibdir.
