Bir çox insan qar yağan zaman baş ağrılarından şikayətlənir. Patofizioloq Sergey Stepanovun fikrincə, bunun yağıntının özü ilə heç bir əlaqəsi yoxdur.

Aztibb.az “Moslenta” nəşrinə istinadən yazır ki, həkimin sözlərinə görə, qar yağması aşağı atmosfer təzyiqi ilə müşayiət olunur, bunun fonunda insan baş ağrısına səbəb olan damarların genişlənməsini yaşayır.

Mütəxəssisin sözlərinə görə, bu vəziyyət təzyiq dəyişikliyinə zəif uyğunlaşan insanlar, yaşlılar, həmçinin immuniteti aşağı olan və yoluxucu xəstəlikləri olan insanlar üçün xarakterikdir.

O, baş ağrılarına hava şəraiti təsir etsə də, nə yuxunun, nə yeriməyin, nə də oxumağın ağrının müddətinə təsir etməyəcəyini, ancaq oxumaqdan və qadcetlərdən imtina etməyin ağrının şiddətlənməsinin qarşısını alacağını vurğulayıb.