Terapevt Aleksey Xuxrevin sözlərinə görə, qısa hıçqırıqlar hər kəsə tanışdır, lakin hıçqırıqların saatlarla, günlərlə və hətta aylarla davam etdiyi hallar var.

Aztibb.az xəbər verir ki, həkim bu barədə Sputnik radiosunda bəzi məqamları diqqətə çatdırıb.

Qeyd edib ki, 90%-dən çox hallarda altı saatdan çox davam edən uzun hıçqırıqların arxasında ciddi bir xəstəlik var.

Həkimin sözlərinə görə, bu vagus sinirinin qıcıqlanması ola bilər və səbəb qırtlaqda və ya qalxanabənzər vəzdə olan şişlər, aorta anevrizması və ya astma ola bilər.

O, həmçinin şiş və ya mədə xorası, appendisit, öd kisəsinin iltihabı, mədəaltı vəzi, hepatit və hətta miyokard infarktının da göstəricisi ola bilər.

Terapevt uzun müddət hıçqırıqlarınız varsa, mütləq həkimə müraciət etməli olduğunuzu vurğulayıb.