Üşüdüyündən şikayət edənlərin sayı heç də az deyil. Soyuq havaya məruz qalmaq, şübhəsiz ki, bunun ən mühüm səbəbidir. Lakin daimi üşümə varsa, bu, anemiyadan tutmuş revmatoloji xəstəliklərə qədər bir çox xəstəliklərin əlaməti ola bilər.

Aztibb.az "TRT Haber"ə istinadən məlumat verir ki, ekspertlərin bildirdiyinə görə, qış aylarında soyuq keçən hava şəraitini nəzərə alsaq, üşümə normal haldır. Ancaq bəzi insanlar var ki, soyuqdan şikayət etmək üçün çox soyuq havaya ehtiyac yoxdur. Çünki nisbətən soyuq havada da özlərini soyuq hiss edirlər.

Camaat arasında daim üçüyənlər üçün ümumi fikir onların qanının az olmasıdır. Ancaq səbəb həmişə o qədər də sadə olmaya bilər. Çünki davamlı üşümə əslində bir çox xəstəliyin əlaməti ola bilər. Bəs soyuqluq hiss etmək nə dərəcədə normaldır? Hansı hallarda hansı xəstəlikləri göstərir? Kartal Sağlamlıq Elmləri Universitetinin professoru Kadir Kayataşla bu barədə məlumat verib:

"Normal bədən istiliyi orta hesabla 36,7 dərəcədir. Üşümə bədəndə soyuqluq hissidir və bu bütün bədəndə və ya yalnız əllərdə və ya ayaqlarda hiss oluna bilər".

Professor qeyd edib ki, ətraf mühitin temperaturu aşağı düşdükdə soyuqluq hissi ilə birlikdə bədən öz hərarətini saxlamaq üçün dərin damarlarını büzərək istilik itkisinin qarşısını almağa başlayır və əzələlərdə titrəmə şəklində kiçik sancılar və rahatlamalarla istilik əmələ gətirməyə başlayır. Üşümə hissi bu mexanizmləri işə salan vacib bir xəbərdarlıqdır.

"Ateroskleroz dediyimiz damarların daralması nəticəsində yüksək xolesterin, şəkər xəstəliyi, nəzarətsiz hipertoniya, siqaret və spirt istifadəsi nəticəsində əl və ayaq kimi son orqanlara kifayət qədər qan çatmır. Bu, əllərdə və ayaqlarda soyuqluq, solğunluq və soyuqluğa səbəb olur", - deyə həkim vurğulayıb.