Beynəlxalq alimlər qrupu tərəfindən aparılan son araşdırmalar kömürlə işləyən elektrik stansiyaları (EGU) ilə qlobal ölüm nisbətləri arasında əlaqəni ortaya qoyub.

Aztibb.az “EcoPravda” portalına istinadən xəbər veri ki, təhlil zamanı kömürlə işləyən elektrik stansiyalarından kükürd dioksid emissiyaları ilə əlaqəli kömür PM 2.5 kimi tanınan incə hissəciklərə məruz qalma nəzərə alınıb.

Araşdırmaya görə, Birləşmiş Ştatlarda 460,000-dən çox ölüm kömürlə işləyən elektrik stansiyaları tərəfindən buraxılan incə hissəciklər (PM 2.5) ilə əlaqələndirilir.

Alimlər həmçinin ayrı-ayrı kömürlə işləyən elektrik stansiyalarının ölüm hallarına təsirinin kəmiyyət və vizualizasiyasını işləyib hazırlayıblar. Bu, ayrı-ayrı mənbələrin ətraf mühitə və insan sağlamlığına təsirini daha dəqiq qiymətləndirməyə və nəzarət etməyə imkan verəcək.

Mütəxəssislər ümid edirlər ki, tapıntılar kömürlə işləyən elektrik stansiyalarının əhalinin sağlamlığına mənfi təsirini azaltmağa və iqlim risklərini azaltmağa yönəlmiş yeni enerji və sağlamlıq siyasətlərinin işlənib hazırlanması üçün başlanğıc nöqtəsi olacaq.