Mədə qurultusu bəzən zəhlətökən bir səs ola bilər. Halbuki bu səslər mədə və o zaman işləyən digər orqanların səsləridir və boş mədədə daha asan rezonans verdiyi üçün səs daha çox eşidilir.

Aztibb.az “CNN Türk”ə istinadən xəbər verir ki, mütəxəssislər yeməkdən sonra mədədən gələn səs-küyün səbəbini belə izah edir. Mədədəki qida və mayeni nazik bağırsağa itələyən hamar əzələlərdir. Mədə qida qəbul etdikdən sonra həzmi davam etdirmək üçün qidanı digər orqana itələyir və bu arada “qurultu” dediyimiz vəziyyət yaranır. Bu səslər üçün hətta tibbi termini “borborigmus” adlanır.

Bu səslər heç də həmişə mədəyə aid deyil. Bəzən kiçik və ya yoğun bağırsaqdan da gələ bilər.

Ac olanda vəziyyət fərqlidir. Aclıq sancıları mədə boş olduqda baş verir. Mədə qida çatışmazlığını tanıyır və qrelin adlı bir hormon ifraz etməyə başlayır. Bu hormon beyinə çatdıqda aclıq hissi və həzm sistemi işə düşür.

Mədə boş olduğu zaman işləyən həzm sistemi mədə və ya bağırsaqlarda qalan artıq maye, bərk və ya mikrob qalıqlarını təmizləmək üçün hərəkətə keçir və bu anda mədə qurultusu baş verir.

Başqa bir sual: Niyə mədəmiz yemək iyi gələndə guruldayır? Çünki mədə gələcək qida haqqında düşünərək həzm etməyə başlayır.a