Son zamanlar şəkər xəstəliyinin nisbətində ciddi artım olduğunu söyləyən professor Şərif Dəmir diabetin insan sağlamlığına və həyat keyfiyyətinə mənfi təsir etməklə yanaşı, bir çox başqa mənfiliklərə də səbəb olduğunu bildirib.

Aztibb.az “T24” internet qəzetinə istinadən xəbər verir ki, Düzce Universitetində "Səssiz Pandemik Diabet" adlı konfransda professor diabetin əhəmiyyətinə toxunaraq, hər 10 adamdan birinin şəkər xəstəliyinə tutulduğunu söyləyib.

1920-ci illərdə insulinin əhəmiyyəti başa düşülənə qədər xəstələrin dramatik şəkildə ölməsinin gözlənildiyini ifadə edən Şerif Dəmir, insulinin kəşfi ilə ölümlərin qarşısının alındığını deyib. Son zamanlar şəkərli diabetin nisbətində ciddi artım olduğunu vurğulayan alimb insanların risklərini bilməli və həyatlarını buna uyğun yaşamalı olduğunu qeyd edib.

Dünyada 557 milyon insanın şəkərli diabetlə yaşayır. Diabet üçün qlobal sağlamlıq xərclərinin 2045-ci ilə qədər 1 trilyon dollara çatacağı təxmin edilir. Ümumdünya Səhiyyə Təşkilatı diabetin ən çox orta və aşağı gəlirli ölkələrdə müşahidə olunduğunu bildirib.