Son illərdə qadınlar arasında populyarlaşan genital plastik əməliyyatlar sağlamlıq turizmi çərçivəsində çoxlu sayda xarici xəstənin Türkiyəyə getməsinə səbəb olur. Mütəxəssislər bu əməliyyatların təkcə estetik məqsədlə deyil, eyni zamanda bir çox xəstəliklərin müalicəsində də istifadə edildiyinə diqqət çəkirlər.

Aztibb.az “T24” internet qəzetinə istinadən xəbər verir ki, ginekoloqların bildirdiyinə görə, çox qadın cinsiyyət orqanlarında yaş, doğum və genetik faktorlar kimi səbəblərə görə problem yaşaya bilər.

Bəs hansı hallarda genital estetika tələb olunur, genital estetika necə tətbiq olunur, ən yeni üsullar hansılardır, bu əməliyyatlardan sonra qadınların və cütlərin həyatında hansı dəyişikliklər olur? Bütün bu suallara ginekoloq Azər Aras Uluğ cavab verib.

“Barbie Vagina” estetikası

“Barbie Vagina” estetikası haqqında məlumat verən həkim bildirib ki, xüsusilə Hollivudda başlayan bu estetik üsul son illərdə ən çox tələb olunan əməliyyatlardan birinə çevrilib. Bu üsul tək bir cərrahi əməliyyat deyil, qadının estetik, funksional və anatomik problemləri üçün bir çox estetik prosedurları və estetik əməliyyatları ehtiva edir. Əməliyyat təcrübəli ginekoloqlar tərəfindən planlaşdırılmalıdır.

Labioplastika nədir və kimlərə tətbiq edilir?

Genital estetik əməliyyatlar arasında labioplastika və vaginoplastika ən çox maraq doğuran əməliyyatlardır. Bu əməliyyatların detallarına toxunan həkim Azər Aras Uluğ qeyd edib ki, bu üsullar qadınların ən çox maraqlandığı və etmək istədikləri əməliyyatlar arasındadır. Labioplastika yəni daxili dodaq estetik əməliyyatı birinci gəlir, daha sonra vaginoplastika yəni vaginanın dartılması əməliyyatı gəlir.

Daxili dodaq estetikasında, yəni labioplastika əməliyyatında; Məqsəd dodaqların sallanan, qırışmış, normaldan uzun, qalın, tünd və asimmetrik toxumalarını aradan qaldırmaq və onlara daha estetik və xoş görünüş verməkdir.

Labioplastika əməliyyatı keçirmək istəyən qadınların ümumi şikayəti dar şalvar, tayt, çimərlik paltarı və ya bikini geyə bilməmək, alt paltarında salfetlərin yaratdığı diskomfort hissi, velosiped və ya motosiklet sürə bilməmək, sidiyin ayaqların arasına axması, qaşınma, tez-tez vaginal infeksiyalar, göbələk infeksiyaları və tez-tez sidik yolları infeksiyaları, cinsi əlaqə zamanı ağrı, cinsi özünəinamın itirilməsi kimi problemlərdir.

Qeyri-cərrahi genital estetik üsullar hansılardır?

“Əməliyyat üçün nəzərdə tutulmayan xəstələrə də estetik və kosmetik üsullar tətbiq oluna bilər. Bunlara lazer vaginal daraltma, lazer sidik qaçırma müalicələri, rəng açdırma tətbiqləri, mezoterapiya, trombositlərlə zəngin maye ilə orqazm platformasına tətbiqlər, PRP və hialuron turşusu doldurucularla G nöqtəsinin böyüdülməsi daxildir.