Rusiya həkimləri koronavirusdan sağalmış 86 pasiyentin iştirakı ilə qan plazmasının tətbiqinin effektivliyini yoxlamaq üçün tədqiqatlar aparıblar. Nəticələrə əsasən, koronavirusa qarşı tətbiq olunan plazma müstəqil nəfəs alan ağır və orta ağır xəstələrin ölüm faizini aşağı salır, lakin süni tənəffüs aparatına qoşulmuş pasiyentləri xilas edə bilmir.

Tədqiqatın nəticələri "Kliniki təcrübə" elmi jurnalında dərc olunub.

Aztibb.az medportal.ru resursuna istinadən xəbər verir ki, həkimlərin gəldiyi qənaətə görə, qan plazması COVID-19-u keçirmiş xəstələr üçün "hər dərdin dərmanı" deyil. Lakin ağ ciyərlərin süni ventilyasiyası tələb olunmayan pasiyentlərin sağ qalma səviyyəsinin artırılması üçün effektiv ola bilər.

Müəlliflər bu müalicə metodunun təhlükəsizliyini məhdud hesab ediblər.