“Bu gün çimərliklərin açılmasına hazır deyilik. Bunu avqustun 5-nə kimi edə bilməyəcəyik. Bu tarixdən sonra bütün lazımi tədbirlər görülərsə bu məsələyə yenidən baxıla bilər”.

Bunu Operativ Qərargahın brifinqində Prezidentin köməkçisi, Prezident Administrasiyasının iqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

O, qeyd edib ki, indiki şəraitdə çimərliklər açılarsa koronavirusla mübarizədə əldə olunan kiçik nailiyyət itirilə bilər.

“Çimərliklərdə məsafə saxlamaq mümkün deyil. Bir çimərliyə təkcə həmin ərazinin insanları deyil, həm də şəhərin bütün rayonlarından vətəndaşlar gəlir. Belə olan halda, yoluxma riski artır”.