Neftçala Rayon Mərkəzi Xəstəxanası “Heydər Əliyev İli” ilə əlaqədar TƏBİB tərəfindən tərtib edilmiş Tədbirlər planına əsasən ucqar yaşayış məntəqələrində nəzərdə tutulmuş tibbi aksiyaları davam etdirir.

Aztibb.az-a Rayon Xəstəxanasından verilən məlumata görə, növbəti aksiya Xəzərkənd və Tataraməhlə kəndlərində keçirilib.

Tibbi aksiyada həkim-oftalmoloq, otorinolarinqoloq, stomatoloq, terapevt, pediatr tərəfindən müayinələr aparılıb, müəyyən müalicələr yazılıb, sakinlər daha ixtisaslı müayinə və müalicə üçün Neftçala RMX PHŞ-nə dəvət ediliblər.

Bundan başqa, şəhid ailələri olan Kərimov Mircavad Dövlət oğlu və Tağıyev Kərəm Kərim oğluna həkimlər tərəfindən evində müayinə edilərək tibbi xidmətlər göstərilib.