Azərbaycan Pediatrlar Assosiasiyasının (APA) prezidenti, Azərbaycan Tibb Universitetinin II Uşaq xəstəlikləri kafedrasının dosenti, tibb üzrə fəlsəfə doktoru Təranə Tağı-zadə sosial şəbəkədə müraciət ünvanlayıb:
Aztibb.az-a verilən məlumata görə, müraciətdə deyilir: “Biz, Ümumdünya Səhiyyə Təşkilatı (WHO), Beynəlxalq Pediatriya Assosiasiyası (IPA) və dünya üzrə tərəfdaşlarımıza 2023-cü il Ümumdünya İmmunlaşdırma Həftəsini qeyd etmək üçün qoşuluruq!"
Qeyd edib ki, peyvənd uşaqları və böyükləri bir çox həyati təhlükəsi olan infeksiyalardan qorumağın yeganə yoludur. Peyvənddən imtina çox zərərli və yanlış fikirdir. Uşaqları peyvənddən yayındırmaqla gələcəyini təhlükə qarşısında qoymaq olmaz.
Milli peyvənd təqviminə riayət edək. Uşaqlarımızı qoruyaq!
Qeyd edək ki, Azərbaycanın səhiyyə naziri Teymur Musayev 24–29 aprel tarixlərində respublikanın bütün şəhər və rayonlarında “İmmunlaşdırma həftəsi” keçirilməsi ilə bağlı əmr imzalayıb. Əmr Ümumdünya Səhiyyə Təşkilatının təşəbbüsü ilə 2006-cı ildən etibarən Avropa regionunda keçirilən “İmmunlaşdırma həftəsi”nin ölkəmizdə də yüksək səviyyədə təşkili məqsədini daşıyır.
