TƏBİB, Hemofiliyalı Xəstələrin Respublika Assosiasiyası və Novo Nordisk Hemofiliya Fondunun dəstəyi ilə Füzuli Rayon Mərkəzi Xəstəxanasında yeni fizioterapevtik və reabilitasiya kabinetlərinin açılışı olub.
Bu barədə Aztibb.az-a TƏBİB-dən məlumat verilib.
Bildirilib ki, kabinetlərin açılışında TƏBİB-in İcraçı direktorunun müşaviri Pərvin Əkbərov, Xüsusi profilli tibbi xidmətlərin təşkili şöbəsinin müdiri Vüsal Yusifov, Füzuli Rayon Mərkəzi Xəstəxanasının direktoru Elçin Qurbanov, Hemofiliyalı Xəstələrin Respublika Assosiasiyasının sədri Ayaz Hüseynov və b. iştirak ediblər.
Yeni kabinetlərin fəaliyyətə başlaması hemofiliya və digər qanın laxtalanması pozğunluğundan əziyyət çəkən vətəndaşların xəstəliyin verdiyi fəsadların aradan qaldırılmasına və müalicənin multidisiplinar yanaşmasına xidmət edəcək. Kabinetlər bütün zəruri avadanlıqlarla təmin edilib.
