Bağırsaq qanaması nazik və yaxud yoğun bağırsaqdan qanın xaric olmasıdır.

Aztibb.az xəbər verir ki, qastrenteroloq Gülnar Ağayevanın bildirdiyinə görə, bağırsaq qanaxması həzm traktında baş verən qanamaların təxminən 10-15%-ni təşkil edir.

Diaqnostika məqsədilə barmaqla rektal müayinə, nazik və yoğun bağırsağın endoskopiyası, mezenterial damarların angioqrafiyası, nişanlanmış eritrositlərlə sintiqrafiya, qanın klinik və biokimyəvi analizləri aparılır.

Bağırsağın ağır patologiyalarında cərrahi müalicə tələb olunur.

Qeyd edək ki, bağırsaq qanaxması bağırsaqdan qanın gəlməsi və nəcisdə qanın görülməsi kimi başa düşülür.