Lənkəran Rayon Mərkəzi Xəstəxanasının nəzdində fəaliyyət göstərən Sağlaser və Liman ailə sağlamlıq mərkəzlərinin tərkibində vətəndaşlara daha keyfiyyətli tibbi xidmətin göstərilməsi məqsədilə təcili və təxirəsalınmaz tibbi yardım stansiyaları yaradılıb.

 

Bu barədə Aztibb.az-a Rayon Xəstəxanasından məlumat verilib.

 

Lənkəran Rayon Mərkəzi Xəstəxanasının direktoru Ağabala Kəlbiyev yaradılan şəraitlə tanış olub, təcili tibbi yardım xidmətinin yaradılmasında əsas məqsədin əhalinin tibbi xidmətə əlçatanlığının təmin edilməsi, vətəndaş məmnunluğunun artırılması məqsədini daşıdığını vurğulayıb.

 

A.Kəlbiyev, həmçinin ailə sağlamlıq mərkəzlərinin kollektivinə tapşırıq və tövsiyələrini verib.