Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların dövriyyəsinə xüsusi icazə verən mərkəzi icra hakimiyyəti orqanlarının siyahısı dəyişib.

Aztibb.az xəbər verir ki, bubunla bağlı ölkə Prezidenti İlham Əliyev müvafiq fərman imzalayıb.

Fərmana əsasən, elmi tədqiqat, sınaq və sərgilərdə nümayiş məqsədləri üçün nəzərdə tutulan, genetik modifikasiya olunmuş bitkilərin genetik materiallarından istifadə edilərək istehsal olunan qida məhsulları sahəsində məsul orqan artıq Azərbaycan Qida Təhlükəsizliyi Agentliyi (AQTA) olacaq.