Koronavirus.info saytı bəzi xəstəlikləri olan insanların COVID-19-a yoluxma riski ilə bağlı məlumat yayıb. Bildirilib ki, COVID-19-un ilk dəfə qeydə alındığı Çindən verilən ilkin məlumatlara görə, bəzi insanların bu xəstəliyə yoluxma riski yüksəkdir:

• Yaşlı insanlar və ahıllar

• Aşağıdakı xroniki xəstəlikləri olan insanlar: 
  • Ürək xəstəliyi
  • Diabet
  • Ağciyər xəstəliyi

• Əhali arasında COVID-19 xəstəliyinə yoluxma baş verərsə, bu uzun müddət davam edə bilər. Xəstəliyin yayılmasının nə dərəcədə geniş olduğundan asılı olaraq, səhiyyə işçiləri insanların COVID-19-a yoluxma riskini azaltmaq məqsədilə müvafiq qabaqlayıcı tədbirlər tövsiyə edə bilərlər. Bu hərəkətlər yayılmanı ləngidə və xəstəliyin təsirini azalda bilər.

“Yaşınız çoxdursa və ya uzun müddət əziyyət çəkdiyiniz xroniki xəstəliyiniz varsa, COVID-19 virusuna yoluxma nəticəsində xəstəliyin gedişatı ağır ola bilər. Yoluxma riskini azaltmaq üçün müvafiq qabaqlayıcı tədbirlər görməyiniz çox vacibdir. Ən başlıcası isə vacib olmadıqca evdən çıxmamaq, digər şəxslərlə təmasları, qonaq qəbulu və qonaq getməyi dayandırmaq lazımdır”.