Yaponiyada yetişdirilən aktinidia arquta meyvəsinin tərkibində olan izokersetin molekulu xərçəngli siçanlarda ağciyər şişinin əmələ gəlməsinin qarşısını almaq təsiri ilə diqqət çəkib. 

İzokersetin bir çox meyvə və tərəvəzdə olan və onlara rəng verən birləşmələr (təbii flavonoidlər) kimi müəyyən edilir. 

Aztibb.az haberturk.com-a istinadən xəbər verir ki, Okayama Universitetinin tədqiqatçıları izokersetin verilən siçanlarda şişlərin 25,4 faiz azaldığını, 9 siçandan 5-də isə şişin meydana gəlmədiyini müəyyən ediblər. 

Mütəxəssislər bunu yüksək nəticə kimi qəbul ediblər və “Ağciyər xərçənginin böyüməsinin qarşısını izokersetin əlavəsi ilə almaq olarmı?" sualına cavab axtarırlar. 

Ağciyər xərçəngi dünyada xərçəngdən ən çox ölüm səbəbi kimi tanınır. Dünyada ağciyər xərçəngi kişilər arasında 1-ci yer, qadınlar arasında isə 3-cü yer alan xərçəng növüdür. 2018-ci ildə dünyada bu xəstəliyə 2 milyona yaxın insan tutulub və 1,7 milyon insanın öldüyü təxmin edilir. Bu xəstəlik üçün tütün və tütün məmulatlarının istehlakı ən mühüm risk faktorlarından biridir. 

Meyvədəki aktiv komponent xərçəng riskini azaldır 

Meyvələrin bioaktiv xüsusiyyətləri uzun müddətdir ki, alimlərin diqqət mərkəzində olub. Tədqiqatda meyvənin tərkibindəki aktiv maddələrin xərçəng də daxil olmaqla xroniki xəstəliklərin riskini minimuma endirdiyi klinik olaraq göstərilib. 

Tədqiqatçılar bu molekulu bir çox xəstəlik riskinin azalmasında faydalı bilir. COVID-19 pandemiyasında xəstəliyin qarşısının alınmasında da bu molekulun rolu ilə bağlı xəbərlər çox eşidildi. 

Epidemioloji məlumatlar təsdiqləyir ki, bu meyvədən bol istifadə xroniki xəstəlik riskini azaldır.