Bəzi beyin hüceyrələrinin insanın ürəyi dayandıqdan sonra bir müddət canlı qaldığı bilinir.  

“Scientific Reports”da dərc olunan yeni araşdırmada alimlər bəzi genlərin gün ərzində aktivliyinin hətta artdığını göstəriblər. 

Aztibb.az medportal.ru-ya istinadən xəbər verir ki, İllinoys Universitetinin alimləri epilepsiya əməliyyatı zamanı insanların çıxarılan təzə beyin toxumasını tədqiq ediblər.  

Təcrübədə alimlər beyin toxuması nümunələrini otaq temperaturunda 24 saata qədər saxlayıblar. Bu müddət ərzində onlar vaxtaşırı bu toxumaların hüceyrələrinin və onların genlərinin fəaliyyətini yoxlayıb.

Alimlər müxtəlif növ genlərin fəaliyyətini müqayisə ediblər. Birinci qrup, hüceyrələrin əsas funksiyalarına cavabdeh olan "təsərrüfat" genləridir. Onların fəaliyyəti digər genlərin fəaliyyətindən fərqli olaraq, bütün bədən toxumalarında demək olar ki, eyni olub. Beyin ölümündən sonra onların ifadəsi bütün 24 saat ərzində sabit səviyyədə qalıb. 

İkinci qrup genlər "neyron" genlərdir. Onlar neyronlarda ifadə olunur və əsas beyin funksiyalarını (yaddaş, düşüncə) təmin etmək üçün məsuliyyət daşıyırlar. 12 saatdan sonra onların aktivliyi azalmağa başlayıb. 

Araşdırma zamanı üçüncü gen qrupunu elm adamları şərti olaraq "zombi genlər"i adlandırıblar. O, sinir sisteminin köməkçi hüceyrələri olan neyrogliya işinə cavabdehdir. Həmin genlərin aktivliyi müşahidədən sonra 24 saat ərzində ölüm anından etibarən artıb.

Halbuki, əksər tədqiqatlar ürək döyüntüsünü dayandırdıqda bütün beyin proseslərinin dayandığını güman edir, lakin bu belə deyil. Çünki əvvəllər postmortem dəyişikliklərin kəmiyyət göstəriciləri öyrənilməmişdir.