Tibbi Ərazi Bölmələri İdarəetmə Birliyinin (TƏBİB) İcraçı direktoru Vüqar Qurbanovun əmri ilə Mingəçevir Şəhər Mərkəzi Xəstəxanasına direktor təyin olunub.

Aztibb.az-ın xəbərinə görə, tibb müəssisəsinin direktoru vəzifəsi Faiq Arif oğlu Abdullayevə həvalə olunub. 

TƏBİB-in Kordinasiya şöbəsinin rəhbəri Mübariz Ağayev və Mingəçevir Şəhər İcra Hakimiyyətinin birinci müavini Hikmət Kərimovu yeni direktoru kollektivə təqdim edərək ona uğurlar arzulayıb.

Məlumat üçün bildirək ki, Faiq Abdullayev 1982-1988-ci illərdə Azərbaycan Dövlət Tibb İnstitutunun Müalicə profilaktika fakültəsində, 2000-2002-ci illərdə Azərbaycan Dövlət İqtisad Universitetində təhsil alıb.
F.Abdullayev təyinatından əvvəl İcbari Tibbi Sığorta üzrə Dövlət Agentliyinin Göyçay şəhər filialının, daha öncə isə Mingəçevir şəhər filialının rəhbəri olub.