Rusiyanın Seçenov Universitetinin Tibbi Translyasiya və Biotexnologiya İnstitutunun direktoru Vadim Tarasov COVID-19-a qarşı vaksinin gedişatı haqqında məlumat verib.

Onun sözlərinə görə, sınağın bütün iştirakçıları – artıq evə buraxılmış və stasionarda həkim nəzarəti altında olan şəxslər – özlərini yaxşı hiss edirlər.

Aztibb.az ria.ru resursuna istinadla bildirir ki, vaksini sınaqdan keçirmiş könüllülərin ikinci qrupunun iyulun 20-də tibb məntəqəsindən evə buraxılması planlaşdırılır.

Xatırladaq ki,  könüllülərin birinci qrupu iyulun 15-də evə buraxılmışdı.