Məlumdur ki, genetik faktorlar, iqlim, qidalanma vərdişi, gündəlik maye qəbulu, bəzi dərman preparatları və bəzi xəstəliklər daşların yaranmasına təsir edir.

 

Sidik axarında olan daşların demək olar ki, hamısı böyrəklərdən düşmüş böyrək daşlarıdır. Daşların yarısından çoxu sidik axarının son 1/3 hissəsində yerləşirlər. Sidik axarı daşlarının əsas əlamətləri şiddətli ağrı və hematuriyadır (qanlı sidik). Ağrı, sidik axarı içində daşın hərəkəti səbəbilə yaranan spazma bağlıdır. Həmçinin hərəkət zamanı sidik axarının daşla zədələnməsi qanama və qanlı sidik əlamətilə nəticələnir. Bəzi xəstələrdə daş sidik axarını tamamilə tutur və anuriya adlanan-sidiyin çıxarılmasını mümkünsüz edir.

 

Aztibb.az xəbər verir ki, Mingəçevir Şəhər Mərkəzi Xəstəxanasının həkim-uroloqu Cavid İsayev daha çox 30-60 yaş arasında kişilərdə qadınlara nisbətlə 3 dəfə artıq görülən sidik axarı daşları barədə məlumat verib. 

 

Həkim qeyd edib ki, anuriya 3 formada olur:

 

Xəstə tək böyrəkli olduqda;

Xəstənin hər iki sidik axarı daşla tutulduqda.

Bir axarın tutulmasına bağlı olaraq digər sidik axarının da refleks olaraq spazmı və tutulması;