Bir neçə gün öncə 7 yaşlı Hüseyn Məmmədov təhsil aldığı müəssisədə oynayarkən yıxılıb və onun sol əlinə parta düşüb. Nəticədə uşağın əlinin orta barmağının üçdə bir hissəsi qopub. Dərhal Abbas Səhhət adına xəstəxanaya müraciət olunub.

Bu barədə Aztibb.az-a xəstəxanadan məlumat verilib.

Bildirilib ki, ortoped travmatoloq Ceyhun Quliyev uşağı əməliyyat edib. İcbari tibbi sığorta çərçivəsində icra olunan əməliyyat uğurla başa çatıb və artıq Hüseyn barmağını hərəkət etdirə bilir.

Qeyd edək ki, Hüseyn Məmmədov İkinci Qarabağ
müharibəsində şəhid olmuş Kərim Məmmədovun oğludur.