Naxcıvan Dövlət Universitetinin Tibb fakültəsində Naxçıvan Muxtar Respublikasının Əməkdar həkimi, baş müəllim Yazgül Rzayevanın 70, müəllim və həkim-laborant Qadir Əliyevin isə 60 illik yubileyləri qeyd olunub.

 

Tədbiri giriş sözü ilə açan ali təhsil ocağının rektoru Elbrus İsayev muxtar respublikada həkim və müəllimlərə göstərilən etimaddan danışıb. Bildirib ki, muxtar respublikada bütün sahələrlə yanaşı, səhiyyə sistemi də daim dövlətin diqqət və qayğısı ilə əhatə olunub.

 

Vurğulanıb ki, hər iki müəllim səhiyyə sisteminə və tibb təhsilinin formalaşdırılmasına layiqli töhfələr verib.

 

Rektor Yazgül Rzayevanı 70, Qadir Əliyevi 60 illik yubileyləri münasibətilə təbrik edib, onlara universitetin Fəxri fərmanını və gül dəstəsini təqdim edib.

 

Sonra Tibb fakültəsinin dekanı, biologiya üzrə fəlsəfə doktoru, dosent Elsevər Əsədova çıxış edərək yubilyarlar haqqında iştirakçıları məlumatlandırıb. Qeyd edilib ki, Yazgül Rzayeva 2000-ci ildə Naxçıvan Dövlət Universitetinin Tibb fakültəsinin klinik xəstəxanasında işləməklə yanaşı, Pediatriya kafedrasında müəllim kimi də fəaliyyət göstərib. Diqqətə çatdırılıb ki, müəllim vaxtilə Pediatriya, Tibbi klinik fənlər kafedralarında, hazırda isə Ümumi təbabət və klinik fənlər kafedrasında baş müəllim işləyir. Elsevər Əliyev yubilyarlara fəaliyyətlərində uğurlar arzulayıb.

 

Ümumi təbabət və klinik fənlər kafedrasının müdiri Gültəkin Əliyeva Qadir Əliyev haqqında danışaraq bildirib ki, müəllim 2002-ci ilə qədər ayrı-ayrı vaxtlarda muxtar respublikanın müxtəlif xəstəxanalarında və universitetin Tibb fakultəsində həkim kimi fəaliyyət göstərib. O, universitet xəstəxanasında həkim, Tibb fakültəsində isə müəllim kimi fəaliyyətini davam etdirir.

 

Daha sonra çıxış edən Təməl tibb fənləri kafedrasının müdiri İlhamə Mustafayeva yubilyarların ünvanına xoş sözlər səsləndirib, onları təbrik edib.

 

Sonda yubilyarlar təşkilatçılığa və təbriklərə görə minnətdarlıqlarını bildiriblər.