Həkim reportajı: Uşaqlarda qrip epidemiyasının mövsümi artımı müşahidə olunur

Həkim reportajı: Uşaqlarda qrip epidemiyasının mövsümi artımı müşahidə olunur

27.12.2021 13:00

Qış aylarının gəlişi ilə uşaqlarda yuxarı tənəffüs yollarının viral infeksiyaları artır. İstənilən halda, bütün xəstəliklərdən qorunmaq üçün maska, məsafə və gigiyena qaydaları olduqca vacibdir.

Bu il məktəblərin açılması və mövsümi hava dəyişikliyi ilə əlaqədar sentyabr-oktyabr aylarında uşaqlarda yuxarı tənəffüs yollarının viral infeksiyalarına tez-tez rast gəlinirdi. Qışın gəlişi ilə də uşaqlarda qrip infeksiyaları xeyli artıb.

İnsanların qapalı məkanlarda vaxt keçirdikləri qış aylarında qrip pik dövrünə çatır. Belə olduqda, əhəmiyyətli dərəcədə artması gözlənilən bir proses epidemiya kimi qəbul edilməməlidir.

COVID-19 pandemiyasına bənzər olan qrip mövsümündə sıxlıq və qapalı mühitlərdən mümkün qədər uzaq olmaq lazımdır, insanlarla təmasdan qaçmaq, əlləri tez-tez yumaq və şəxsi gigiyena qaydalarına diqqət yetirmək kimi tədbirlərə riayət etmək son dərəcə vacibdir.

Baxmayaraq ki, qripə qalib gəlmək olar, lakin bir çox hallarda yüngül simptomlarla onun ağır gedişi ola bilir. Yaşlılarda, azyaşlı uşaqlarda, hamilə qadınlarda və xroniki xəstəlikləri olan şəxslərdə xəstəxanaya yerləşdirilmə və ölümə halı ola biləcəyi unudulmamalıdır.

Koronavirus simptomları olan uşaqlarda qızdırma, burun axması, öskürək, asqırma, əzələ və oynaq ağrıları, boğaz ağrısı, halsızlıq, tənəffüs çətinliyi, ürəkbulanma-qusma kimi qripə yoluxma hallarında artım gözlənilir.

Odur ki, səhiyyə müəssisəsinə müraciət etmək, COVID-19 daxil olmaqla çoxsaylı viral respirator patogenləri yoxlayaraq düzgün diaqnoz və müalicə strategiyasını tətbiq etmək lazımdır.

COVID-19 epidemiyası səbəbiylə iki ilə yaxın qapalı qaldıqdan sonra uşaqlar heç bir mikrobla rastlaşa bilmədilər. Qarşılaşa bilmədiklərindən bu il qrip hadisələrini bir az daha çox görürük. Uşaqlar sosial həyatda bir çox mikrobla qarşılaşırlar. Təbii ki, məktəblərdə uşaqların infeksiyaları artıb. Xüsusilə uşaqlar bir-birinə yoluxdururlar. Uşaqların çoxu bir çox mikroblara qarşı həssas olduqları üçün hamısı xəstələnə bilir. Bu zaman yayılma sürətlənir.

Qrip əlamətləri olan uşaqlar bu dövrlərdə həkim məsləhəti ilə müəyyən vitamin əlavələri qəbul edilə bilər. İmmunitet gücləndirici ilə yanaşı qidalanmaya da diqqət yetirilməlidir.