COVID-19 immun sisteminə sarsıdıcı zərbə vurur.

Aztibb.az İzvestiya-ya istinadən xəbər verir ki, Uhan Virusologiya İnstitutu koronavirusun limfositlərə, immun qan hüceyrələrinə təsirini araşdırıb.

Məlumdur ki, bədən yeni patogenə yoluxduqda limfositlərin səviyyəsi yüksəlir. Koronavirus xəstələrində isə ənənəvi olaraq qanda limfositlərin səviyyəsində azalma müşahidə olunur.

Rusiyanın MIPT genom mühəndisliyi laboratoriyasının müdiri Pavel Volçkov bildirib ki, bədənə virus daxil olduqdan sonra demobilizasiya baş verir, yəni aktivləşən B və T limfositlərinə artıq ehtiyac duyulmur.

İmmun hüceyrələri aktivləşdikdən bir müdət sonra yox olur. Biz buna immunitet deyirik.  Lakin qısa müddət ərzində o hüceyrələr yenidən bərpa olur. Koronavirus xəstələrində isə bərpa müddəti uzun çəkir. Elm adamları hətta bu vəziyyəti QİÇS və hepatit C ilə də müqayisə edirlər.

Sağalan xəstələrdə fenotipik dəyişikliklərin və potensial lenfotik disfunksiyaların nə qədər davam edəcəyi hələ məlum deyil.