Azərbaycanlı həkimdən dünyada İLK: allergik bronxopulmonal kandidiaz xəstəliyini elmi ədəbiyyata daxil edib
15.11.2021 16:44

Almaniyanın Köln şəhərində daxili xəstəliklər və təcili tibbi yardım mütəxəssisi olan Elvin Hüseynov fəaliyyət göstərdiyi şəhərdə keçirilən Bronxoektaziya Simpoziumunda bu günə qədər dünyada rəsmi olaraq cəmi 150 dəfə elmi ədəbiyyata daxil olmuş allergik bronxopulmonal kandidiaz (Allergic bronchopulmonary candidiasis) xəstəliyinin diaqnozunu qoyduğu pasiyentə dair təqdimatla çıxış edib.

 

Bu barədə Aztibb.az-a E.Hüseynov özü məlumat verib.

 

"Almaniyada bu xəstəliyin ilk dəfə rəsmi olaraq diaqnozunu qoyub elmi ədəbiyyata daxil edən bir azərbaycanlı həkim kimi tarixə düşmək qürurvericidir", - deyə bildirən E.Hüseynov bu xəstəlikdə tətbiq etdiyi effektiv off-label müalicə haqqında indiyə qədər heç bir elmi nəşr olmadığını vurğulayıb.