Əməkdar həkim Nikolay Amosovun sağlamlıq prinsipləri - Təkidlə tövsiyə - aztibb.az AZƏRBAYCANIN SƏHİYYƏ XƏBƏR PORTALI

Əməkdar həkim Nikolay Amosovun sağlamlıq prinsipləri - Təkidlə tövsiyə

15.10.2021 16:13

Ukraynalı alim Nikolay Amosov ötən əsrin ən böyük ürək cərrahı olub. O, yalnız ürək əməliyyatları ilə deyil, sağlam qidalanma və həyat tərzi ilə bağlı kitablar ilə də məşhurdur. Alim kitablarında təbliğ etdiyi sağlamlığa dair nəzəriyyəni öz üzərində sınayıb və 90 il yaşayıb.

Aztibb.az Nikolay Amosovun sağlam həyat tərzindən bəhs edən yazılarından fraqmentləri paylaşır.

Sağalasız deyə həkimlərə etibar etməyin

Həkimlər xəstəliyinizi müalicə etməklə həyatınızı xilas edə bilərlər. Bu, sizi yalnız başlanğıca aparacaq. Sonra isə təhlükəsiz yaşamaq üçün özünüzə güvənin. Mən tibbin gücünü heç də inkar etmirəm. Çünki bütün ömrüm boyu ona xidmət etmişəm. Həm sağlamlıq haqqında nəzəri və praktik olaraq çox şey bilirəm. Buna görə öyünürəm də.

Əgər cavansınızsa və sizi narahat edən xəstəliyiniz yoxdursa, azca naxoşladıqda xəstəxanaya qaçmamalısınız. Əksər həkimlər təbiətə etibar etmir, daha çox dərmanlara istiqamətlənirlər. Onların əsiri olmayın. Mütləq bir xəstəlik tapıb sizi müalicəyə və istirahətə ehtiyacınız var deyə inandıracaqlar. Bədəninizin immun sistemi, kompensasiya mexanizmləri özləri işləyəcəklər. Sadəcə bir az vaxt verməlisiniz.

Həkimlər xəstəlikləri müalicə edirlər, lakin sağlamlığı özünüz əldə etməlisiniz

Sağlamlıq orqanların, bütün fiziologiyamızın “ehtiyat gücü”dür. İstirahət zamanı, yaxud stress yaşadıqda fiziki və zehni olaraq normal funksional performansı qorumaq xəstələnməmək, ölməmək üçün zəruridir. Bu güclər dərmanlarla deyil, yalnız məşqlər və təlimlərlə qazanılır.

Ümumiyyətlə yaxşı işləmək və yatmaq üçün yaxşı yemək və içmək vacibdir.

İnsanlar niyə tez -tez xəstələnirlər?

Düşünürəm ki, insanların 90%-i düzgün həyat tərzinə riayət etsələr, sağlam olarlar. Amma təəssüf ki, rejim iradə tələb edir...

Bədən tərbiyəsi hər kəs, xüsusilə uşaqlar və yaşlı insanlar üçün vacibdir. İnsanların əksəriyyəti fiziki işlə məşğul olmur. Halbu ki, hər kəs üçün gündə bir saat ideal məşq saatı olmalıdır. Bunu etməyə gücünüz çatmırsa, heç olmasa gündə 20-30 dəqiqə gimnastika ilə məşğul olun. Məşqdə qanteldən istifadə edə bilərsiniz. Əlavə olaraq, bir km də gəzmək məsləhətdir.