Aztibb.az tibbi mənbələrə istinadla xəbər verir ki, yaddaşın zəifləməsi, ürək-damar xəstəliklərinin yaranmasına, məsələn, miokard infarktı və ya insult, maddələr mübadiləsinin pozulmaları, artıq çəki, neyrodegenerativ xəstəliklərin artması riskinə gətirib çıxardır. Bundan başqa, yuxusuzluq əsəbilik, adaptasiya pozulmaları, stressə qarşı dözümsüzlük, xroniki yorğuluq sindromunu yarada bilər. İki gecə yuxusuz qaldıqdan sonra insan bədənində qlükoza mübadiləsi və immun sisteminin fəaliyyəti pozulur. Üç gecə yuxusuz qaldıqdan sonra halüsinasiyalar görünə bilər.

 

 

Yuxusuzluq zamanı istifadə olunan dərmanlara gəldikdə isə mükəmməl bir vasitə yoxdur. Bir çox yuxu dərmanı asılılıq yaradır və 15-20 gündən çox istifadə edilməməlidir. Yuxu dərmanından sonra gün ərzində yuxululuq hissi olmamalıdır. Ümumiyyətlə yuxu dərmanları və vasitələri həkim tərəfindən təyin olunmalıdır.

 

Yaxşı yuxu dərmanı stabil, dərin gecə yuxusunu təmin etməlidir. Gün ərzində minimal yuxululuq hissinin qalması insanın gündəlik fəaliyyətinə qətiyyən təsir göstərməməli, yan təsirləri olmamalı, stresəleyhinə təsir göstərməli və asılılığa səbəb olmamalıdır. Melatonin, ətraf mühitin işıq rejimi haqqında məlumatları beyinə ötürən kiçik bir endokrin vəz olan epifizin əsas hormonudur. Konsentrasiyası, bir qayda olaraq, gün ərzində dəyişir - gündüz aşağı, gecə isə maksimum səviyyədə olur. Gecələr parlaq işıqlandırma hormon istehsalını azaldır, buna görə də bir insanın qaranlıqda yatması və ya ən azından xüsusi maska köməyi ilə gözlər üçün qaranlıq bir rejim təmin etməsi vacibdir. Bütün bu tədbirlərə baxmayaraq yuxu bərpa olunmursa, melotonin tərkibli vasitələr qəbul etmək lazımdır. Hər kəsə uyğun olan dərman vasitəsini isə həkim tövsiyə edə bilər.