Ümumdünya Səhiyyə Təşkilatının (ÜST) rəhbəri Tedros Gebreyesus G7 zirvəsində COVID-19 virusunun laboratoriyadan sızması versiyasını istisna etmədiyini və Çinin virusun mənbəyini araşdırmağa kömək etməli olduğunu bildirib.

Aztibb.az-ın interfaks.ru-ya istinadən verdiyi xəbərə görə, bu barədə "Daily Mail" xəbər verir.

"Düşünürəm ki insanlar virusun haradan gəldiyini öyrənməlidirlər, buna layiqdirlər. Bu, gələcəkdə pandemiyanın təkrarlanmasının qarşısını almaq üçün lazımdır", - deyə nəşr ÜST-ün baş direktorundan sitat gətirib.

Onun sözlərinə görə, koronavirusun mənşəyi ilə bağlı istintaqın başlanğıcında Çin tərəfindən kifayət qədər "şəffaflıq və əməkdaşlıq" göstərilməyib.