Kapoşi sarkoması "Human herpes virus 8" (HHV8) və ya Kapoşi sarkoma ilə əlaqəli herpes virusun (KSHV) səbəb olduğu şiş növüdür.

 

Aztibb.az xəbər verir ki, 1980-cı illərdə QİÇS xəstələrində tez-tez görülməyə başlamasından sonra daha geniş tanınmışdır. İlk dəfə 1872-ci ildə Macar dermatoloq Moritz Kapoşi tərəfindən tanınmışdır.

 

Xərçəng növünə səbəb olan bu virus 1994-cü ildə müəyyən olunmuşdur. Virusların səbəb olduğu bu xəstəliyə qarşı, KSHV/HHV-8 təhlükəsi altında olan insanlar arasında maarifsizlik mövcuddur.

 

Kapoşi sarkoması dəri üzərində yaranan sistemli toxuma pozulmasıdır. Bu toxuma pozulması dəri daxilinə də bəzi hallarda təsir edir. 4 fərqli alt tipi mövcuddur:

 

• Klassik Kapoşi sarkoması;

• Afrika tipli Kapoşi sarkoması;

• Müalicə nəticəsində yaranan Kapoşi sarkoması;

• AİDS ilə əlaqəli Kapoşi sarkoması.

 

Klassik tipə Aralıq dənizi və ya yəhudi əsilli insanlarda rast gəlinir. Bənövşəyi, qırmızı rəngli xərçəng toxuması ağızda, sümük toxumasında, əl və ayaqlarda görülə bilər. Müalicəsi zamanı kemoterapiya və radioterapiyadan istifadə edilir.