İngiltərə son aylarda birinci və ikinci dozalarda fərqli koronavirus peyvəndlərinin istifadəsinə dair araşdırmaların genişləndirildiyini açıqlayıb.

“Fərqli peyvəndlərdən istifadənin mümkünlüyü fikri vektor əsaslı peyvəndlər (AstraZeneca, Biontech, Sputnik V) üçün müəyyən mənada keçərlidir. Lakin müxtəlif texnologiyalar vastəsiylə hazırlanan peyvəndlərin orqanizmə necə reaksiya verecəyi sual altındadır", – deyə mütəxəssislər bildirib.

Aztibb.az xəbər verir ki, sözügedən araşdırma yeni növ viruslara qarşı orqanizmdə immun sistemin gücləndirilməsi üçün daha təsirli peyvəndlərin hazırlanmasına yönəlib. Tədqiqat həm də sınaqlardan sonra yüksək təsirliliyi təqsdiq oluna peyvənd proqramlarına üstünlük verilməsini hədəfləyir.

Fərqli peyvəndlərdən istifadə ilə bağlı sınaqlar ebola epidemiyası zamanı da həyata keçirilib. “Vaksinasiya bir peyvəndlə başlanıb, ikinci dozada fərqli bir peyvəndlə davam etdirilə bilərmi?” fikrinə dair uzun müddətdir ki, alimlərin müxtəlif yanaşmaları var.

İngiltərədə başlanan bu araşdırmanın ana xətti iki fərqli peyvəndi – “AstraZeneca” və “Biontech”i texnoloji üsul tətbiq etməklə qarşılaşdırmaq və nəticələri öyrənməkdir. Hələ ki, hökumət fərqli peyvəndlərin vurulmasını tövsiyə etməyib. Fransa və Almaniyaya gəldikdə isə iki fərqli peyvənddən istifadə, aralarındakı müddət 8 həftə olmaq şərti ilə uğyun bilinir.   

“Cəmiyyətdə fərqli peyvəndlərdən istifadə ilə bağlı ictimai narahatlıq var. Digər yandan da iki fərqli peyvənd vurulan insanlarda eyni vaxtda hər iki peyvəndin əks təsirlərinin baş vermə ehtimalı düzgün qiymətləndirmə aparmaq baxımından çətinlik yaradır. Belə olan halda, doğru olan araşdırmanın nəticələrini gözləməkdir”– deyə bildirilib.  

Mütəxəssislər eyni zamanda, vaksin tədarükünün vaxtında həyata keçirilməsinin zəruriliyini də vurğulayıblar. Çünki eyni vaxtda infeksiya da yayılmağa davam edir. Yoluxma nə qədər çox baş verirsə, virusun mutasiyaya uğraması da bir o qədər sürətli olur. Belə olan halda, vaksinin yararlılığı da gözlənilən qədər olmur.