Avstraliyanın Melburn və Yeni Zelandiyanın Oklend universitetlərinin alimləri pandemiya ilə mübarizənin ən təsirli yolunun insanların hərəkətini məhdudlaşdırmaq olduğunu aşkar ediblər.
Aztibb.az xəbər veerir ki, araşdırmanın nəticələri “The Royal Society Interface” jurnalında dərc olunub.
Mütəxəssislər oxşar infeksiyaların insandan insana necə keçdiyini müəyyən etmək üçün COVID-19 pandemiyası zamanı SARS-CoV-2-nin yayılması ilə bağlı məlumatları təhlil ediblər. Bunun üçün Çinin 340 şəhərindən olan insanların hərəkəti ilə bağlı məlumatlar əsasında demoqrafik modeldən istifadə edilib.
Nəticələr göstərib ki, hərəkətə qoyulan kiçik məhdudiyyətlər şəhərlər arasında infeksiyanın yayılmasına əhəmiyyətli dərəcədə təsir etmək üçün kifayət deyil və yalnız şəhərlər arasında insanların hərəkətinin əhəmiyyətli dərəcədə azalması infeksiyanın yayılması üçün lazım olan vaxtı əhəmiyyətli dərəcədə yavaşlata bilər.