Erlangen-Nürnberq Fridrix-Alexander Universitetinin alman tibb alimləri koronavirus infeksiyasına qarşı könüllü olaraq 200-dən çox peyvənd alan bir insanın immun toxunulmazlığını öyrəniblər.

Aztibb.az xəbər verir ki, müvafiq hesabat “The Lancet Infectious Diseases” jurnalında dərc edilib.

Bu hadisədən əvvəl belə hiper peyvəndin immunitet sisteminə nə qədər təsir etdiyi bəlli deyildi. Bir sıra ekspertlər antigenlərə öyrəşdikdən sonra immun hüceyrələrin daha az təsirli olacağına inanırdılar. Ancaq həmin adam üçün bu baş verməyib. Onun immun sistemi tam funksional olaraq qalıb.

Qan testləri göstərib ki, SARS-CoV-2-yə qarşı müəyyən immun hüceyrələri və antikorlar kişi orqanizmində Covid əleyhinə peyvəndin üç dozası olan insanlara nisbətən xeyli yüksək konsentrasiyalarda mövcuddur.

Tədqiqatçılar effektor hüceyrələrdə heç bir yorğunluq aşkar etməyiblər və onlar adi peyvənd sayına malik nəzarət hüceyrələri kimi effektiv olublar.