Beynəlxalq tədqiqatçılar komandası xəstənin həyati əhəmiyyətli göstəricilərini ölçən simsiz tibbi cihazların enerji ilə doldurulmasında radiodalğalardan istifadə etməyi təklif edir.

hightech.plus saytı xəbər verir ki, hazırda tibbi təyinata malik daşınan elektronika qurğuları üçün müasir enerji mənbələrinin bəzi çatışmazlıqları var. Məsələn, fotoelementləri günəş şüaları altında saxlamaq lazımdır. Triboelektrik qurğular daimi hərəkət tələb edir.

Pensilvaniya Universitetinin professoru Larri Çenin rəhbərliyi altında çalışan mütəxəssislər qrupu tərəfindən relektronikanın radiodalğaların köməyilə enerji ilə doldurulması texnologiyası hazırlanıb.

Alimlər tibbi sensorlar tərəfindən toplanılan məlumatları simsiz ötürə bilən elastik genişzolaqlı vibrator antena hazırlayıblar. Genişzolaqlı konstruksiya nəticəsində qurğu dartıldıqda, büküldükdə və ya əyildikdə belə paylama funksiyası qorunub saxlanılır.

Bundan sonra sistem elektromaqnit dalğalarının enerjisini elektrik enerjisinə çevirə bilən elastik düzləndiriciyə qoşulub. Nəticədə elektrik enerjisi ilə simsiz qurğular, akkumulyatorlar və superkondensatorları enerji ilə doldurmaq mümkün olub.