COVID-19 pandemiyası ilə əlaqədar İtaliya ekspertlərinin ölkəmizə səfəri çərçivəsində Tədbirlər planına uyğun olaraq, iki istiqamətdə fəaliyyət həyata keçirilir: tibb müəssisələrinə baxış və tibbi personala təlimlərin keçirilməsi.
TƏBİB-dən Aztibb.az-a verilən məlumatda bildirilib ki, "Yeni klinika" tibb müəssisəsi nəzdində TƏBİB tərəfindən yaradılmış Təlim-tədris Mərkəzində ekspertlər tərəfindən COVID-19-a yoluxmuş şəxslərin klinikada idarə edilməsi, tibbi evakuasiyanın təşkili və s. mövzularda təlim keçirilib.
Qeyd edək ki, COVID-19 sahəsində çalışan 6 italiyalı tibb mütəxəssisi avqustun 3-də Azərbaycana gəlib. İtaliyalı mütəxəssislər COVID-19 infeksiyasının geniş yayılmasının qarşısının alınması istiqamətindəki tədbirlər çərçivəsində ölkəmizə gəliblər.