Ümumdünya Səhiyyə Təşkilatının (ÜST) baş direktoru Tedros Qebreyesus dünyada COVID-19 əleyhinə hazırlanmış peyvəndlərə universal çıxışı təmin etmək üçün nə qədər pulun lazım olduğunu açıqlayıb.

Aztibb.az tass.ru-ya istinadla xəbər verir ki, o, təkcə peyvəndlərin 100 milyard dollardan çox pul tələb edəcəyini bildirib.

Bununla yanaşı, baş direktor qeyd edib ki, aprel ayında aparılan maliyyə yığımı tələb olunan məbləğin cəmi 10%-ni toplamağa imkan verib:

“Bu, hər kəsin hər yerdə bu vasitələrdən istifadə etməsini təmin etmək üçün lazım olan qlobal sərmayənin yalnız bir hissəsidir”.