Koronavirus hətta uzunmüddətli saxlama zamanı da dondurulmuş qida paketlərinin üstündə qala bilər.

Aztibb.az xəbər verir ki, bu barədə ÜST məlumat yayıb.

"Son araşdırmalar və hesabatlarda vurğulanır ki, virus dondurulma və soyuq saxlama şəraitində uzun müddət yaşaya və qablaşdırmadan insanlara keçə bilər", - qurumun sənədində deyilir.

Bildirilir ki, tövsiyələr istehlakçılar üçün riski minimum olaraq qiymətləndirir, lakin nadir hallarda qidanın istehsal edildiyi müddətdə virusla çirklənə, beynəlxalq nəqliyyat zamanı paketlərdə qala biləcəyini diqqətə çatdırır".

Qeyd edilir ki, tövsiyələrə dair sənədin versiyası üzərində ÜST nümayəndələri tərəfindən iş davam etdirilir.