Dünyada koronavirusa yoluxanların sayı son sutka ərzində 253 mini ötüb.

Aztibb.az xəbər verir ki, bu barədə Ümumdünya Səhiyyə Təşkilatının gündəlik hesabatında deyilir.

Məlumatda bildirilib ki, ötən sutka ərzində 253 793 nəfər yeni koronavirusa yoluxub, 5 999 nəfər isə dünyasını dəyişib. Yoluxanların ümumi sayı 16 812 755, ölənlərin isə 662 095 nəfərə çatıb.

Ən çox yoluxma və ölüm halları Cənubi və Şimali Amerikada qeydə alınıb.Burada yoluxanların sayı 8 980 181, ölənlərin sayı isə 346 554 nəfər olub.

İkinci yerdə Avropa regionu qərarlaşıb. Burada isə 3 307 388 nəfər koronavirusa yoluxub, 212 079 nəfər isə ölüb.

Üçüncü yeri Cənub-Qərbi Asiya regionu tutur, burada ümumilikdə 1 949 850 yoluxma və 43 117 ölüm halı qeydə alınıb.