Bu barədə Aztibb.az-a Biləsuvar RMX-dann bildirilib.

 

Qeyd olunub ki, təlim zamanı tibb işçilərinə peşə etikası, pasiyentlərlə nəzakətli və düzgün ünsiyyətin qurulması, pasiyent hüquqlarına və məxfiliyinə riayət olunması, konfliktli vəziyyətlərdə düzgün davranış, həmkarlarla qarşılıqlı hörmət və əməkdaşlıq, iş intizamı və peşəkar məsuliyyət kimi məsələlər barədə ətraflı məlumat verilib.

 

Həmçinin pasiyent məmnuniyyətinin artırılmasında tibb işçisinin davranışının rolu, müraciətlərin diqqətlə dinlənilməsi və pasiyentlərə anlayışla yanaşılmasının əhəmiyyəti vurğulanıb.

 

Təlim çərçivəsində gündəlik iş prosesində qarşılaşa biləcək müxtəlif situasiyalar müzakirə olunub və belə hallarda peşəkar davranış qaydalarına uyğun hərəkət etməyin vacibliyi diqqətə çatdırılıb.

 

Biləsuvar Rayon Mərkəzi Xəstəxanası olaraq pasiyentlərə keyfiyyətli tibbi xidmət göstərilməsi ilə yanaşı, yüksək peşəkarlıq, etik davranış və sağlam ünsiyyət prinsiplərinin qorunmasını daim diqqətdə saxlayırıq.