"Həkimlərimizi tanıyaq!" rubrikamızda Tovuz RMX-nın həkim-laborantı Əliyeva Aynurə Hidayət qızını təqdim edirik.
O, 22 aprel 1995-ci ildə anadan olub.
A.Əliyeva 2001-ci ildə Tovuz rayonunda Yusif Sadıqov adına tam orta məktəbdə təhsil almağa başlayıb və 2012-ci ildə həmin məktəbi uğurla başa vurub.
Elə həmin il Azərbaycan Tibb Universitetinə qəbul olan Aynurə Əliyeva 2018-ci ildə ali tibb təhsilini tamamlayıb. Həmin ildə həkim-laborant ixtisası üzrə rezidenturaya qəbul olub. Rezidentura təhsilini Azərbaycan Tədris Cərrahiyyə Korpusunda davam etdirərək 2020-ci ildə uğurla başa vurub.
2020-ci ildən etibarən Tovuz Rayon Mərkəzi Xəstəxanasında həkim-laborant vəzifəsində fəaliyyət göstərir. Bu gün də öz peşəsinə məsuliyyətlə yanaşaraq, insanların sağlamlığının keşiyində dayanmaq missiyasını böyük sevgi və peşəkarlıqla davam etdirir.
