Azərbaycan Tibb Universitetinin Bioloji kimya kafedrasında müasir biokimya və molekulyar biologiyanın aktual istiqamətlərini əhatə edən yeni elmi nəşrlər təqdim olunub.

 

ATU-dan Aztibb.az-a verilən xəbərə görə, nəşrlər arasında Gülnarə Əzizova, Nərmin Bayramova və Fərəh Məmmədovanın həmmüəllifi olduqları “Apoptoz və hüceyrə zədələnmələrinin biokimyəvi mexanizmləri” kitabı da yer alıb.

 

Eyni zamanda, Səbinə Quliyevanın müəllifi olduğu “Enzimologiyanın müasir aspektləri” və Gülnarə Daşdəmirova tərəfindən yazılan “Membranologiya və hüceyrələrarası əlaqə” adlı kitablar təqdim edilib.

 

Nəşrlər biologiya, tibb və biokimya sahəsində təhsil alan tələbə, magistrant, doktorant və elmi tədqiqatçılar üçün əsaslı mənbə rolunu oynayır.