İspaniyanın Səhiyyə Nazirliyi COVID-19 infeksiyasının yenidən baş qaldırmasının və yaxud hipotetik ikinci dalğasının qarşısının alınması məqsədilə 2,4 milyard avro dəyərində tibbi ləvazimatın alınması üçün tender elan edib.

Aztibb.az xəbər verir ki, bu, indiyədək imzalanan ən iri çərçivə sazişi olacaq.

Ölkənin Baş Naziri Pedro Sançes bildirib ki, sentyabrın sonunadək alınması planlaşdırılan bu materiallar milli strateji ehtiyatların yaradılmasının təminatına xidmət edəcək.

Tender çərçivəsində şirkət seçimi zamanı məhsulun texniki xarakteristikası nəzərə alınacaq. Beləliklə, pandemiyanın ən ağır həftələrində qüsurlu, saxta materialların alınması kimi xətaların təkrarlanması istisna ediləcək.