Bu barədə Aztibb.az-a məlumat verən Naftalan Şəhər Mərkəzi Xəstəxanasının həkim-uroloqu Fərid Əhmədov bildirib ki, böyrək daşı xəstəliyi sidik-ifrazat sisteminin ən çox yayılmış xəstəliklərindən biridir. Xəstəliyin yaranmasına maddələr mübadiləsinin müxtəlif daxili və ya xarici səbəblərdən pozulması, zülalla zəngin qidaların qəbulu, irsi faktorlar, çirkli su, mayenin az qəbul edilməsi və digər amillər səbəb ola bilər. Sidik axarında daralma varsa, hər iki böyrək lazım qədər sidik axarından sidik kisəyə buraxmırsa, bu zaman sidik böyrəklərə gedir böyrək daşı və sidik kisəsi daşları yaranır.

 

Onun sözlərinə görə, xəstəliyin əsas əlamətləri bel nahiyəsində küt və ya sancı şəkilli ağrı, sidik ifrazının azalması yaxud kəsilməsi, qanlı, bulanıq olması, arterial təzyiqin yüksəlməsidir. Böyrək daşları əsasən heç bir əlamət olmadan sidik-ifrazat yolları vasitəsilə xaric olunsa da, bəzi hallarda dərman preparatları və hətta cərrahi müalicəyə ehtiyac yaranır.

Müalicə necə aparılır?

 

Fərid Əhmədov qeyd edib ki, daş böyük olduqda dərman preparatları ilə müalicə və daşı əritmək lazım gəlir. Daş balaca olduqda daş sidik axarına düşəndən sonra müalicəyə başlanılır. Sidik axarının genişlənməsi və daşın düşməsi üçün dərman preparatları ilə müalicə aparılır və ehtiyac yarandığı halda cərrahi əməliyyat oluna bilər.