Bu barədə Aztibb.az-a Sumqayıt Tibb Mərkəzinin tabeliyində olan 3 nömrəli Xəstəxananın Poliklinika şöbəsinin həkim-otolarinqoloqu Yaşar Qaçabəyov məlumat verib.

 

Həkim bildirib ki, çox vaxt xəstələr burun əməliyyatlarından, müxtəlif xəstəliklərdən sonra burundan nəfəsini çətin almasından şikayətlənirlər: “Burada sadəcə xəstələrə subyektiv yanaşmadan deyil, daha çox həkim-mütəxəssis baxışı vacibdir. Ancaq həkim müayinələrdən sonra həqiqi burun tənəffüsünün yaxşı və ya pis olduğu müəyyən edilir".

 

Burunun vahid orqan olduğunu vurğulayan Yaşar Qaçabəyov qeyd edib ki, onun funksiyasının ancaq bu baxış prizmasından dəyərləndirilə bilər: "Məsələn, hər burun keçəcəyindən ayrılığda havanın hərəkətində müəyyən dərəcədə təzyiq, əks təzyiq mövcuddur. Bunu isə xəstə burundan nəfəsini çətin almaq kimi dəyərləndirə bilər. Halbuki, ağciyərlərdə qanın oksigenlə təchiz olması və burnun əlavə boşluqlarının havalındırması üçün bu olmazsa olmaz bir haldır. Bu təzyiq olmasa ağ ciyərlərin və sinusların müxtəlif xəstəliklərinə yol açıla bilər. Bunun üçün həkimlərə güvənin və sağlam olun”.