İnkişaf edən texnologiya ilə insanların kompüter və planşet, xüsusilə də cib telefonları kimi cihazların qarşısında keçirdikləri vaxt artır.

Aztibb.az “CNN Türk”ə istinadən xəbər verir ki, fiziki müalicə və reabilitasiya mütəxəssisi Semiha Ülkü Gül uzun müddət cib telefonu istifadəsinin zərərlərinə diqqət çəkib.

Cib telefonu ilə sərf olunan vaxtın həftədə 24 saata çatdığını ifadə edən mütəxəssis telefonun səhv mövqedə istifadəsi ilə bağlı xəbərdarlıq edib.

Cib boyun sindromu

Cihazı göz səviyyəsində istifadə etməmək, hər 2 saatdan bir cihazdan ayrılmamaq və idman etməmək və pis duruş boyun yırtığına səbəb ola bilər. Bu vərdişlər davam edərsə yırtıq irəliləyərək qol sinirlərinə təzyiq edir, qolda güc itkisi ilə proqressiv iflic adlandırdığımız vəziyyət yaranır.

Adətən orta yaşlarda baş verən duruş pozğunluqları son zamanlar uşaqlarda da müşahidə olunmağa başlayıb. Bunun səbəbi uşaqların uzun müddət cib telefonları və ya planşetlərlə zaman keçirməsidir ki, sonda "cib boyun sindromu" adlanan hal yaranır.

Ən yaxşı məşq üzgüçülükdür

"Duruş pozulduqca, boyun, onurğa quruluşu və bel quruluşu bir müddət sonra dəyişir və bu struktur pozğunluğu bir-birinin ardınca davam edir. Valideynlərə tövsiyə edirik ki, uşaqlarının eyni mövqedə dayanmasına mane olsunlar və onları müxtəlif idman növlərinə yönəltsinlər. Ən yaxşısı, üzgüçülüklə məşğul olmaqdır, əgər bunu edə bilmirlərsə, uşaqların daha açıq havada vaxt keçirməsinə şərait yaratmaq lazımdır", – deyə həkim tövsiyə edib.